គ្រឹះស្ថានមីក្រូហិរញ្ញវត្ថុ ហ្វាមីលី ត្រូវបានបង្កើតឡើងក្នុងខែតុលា ឆ្នាំ ២០១៨ ជាគ្រឹះស្ថានមីក្រូហិរញ្ញវត្ថុឯកជនដែលគ្រប់គ្រងដោយធនាគារជាតិនៃកម្ពុជា ដើម្បីផ្តល់ដំណោះស្រាយហិរញ្ញវត្ថុដល់បុគ្គល និងសហគ្រាសក្នុងប្រទេសកម្ពុជា។ ម្ចាស់ភាគហ៊ុនរបស់យើងទាំងពីរគឺលោក វូ ចិន និងលោក វូ ស៊ូយុន គឺជាពាណិជ្ជករតៃវ៉ាន់ដំបូងដែលឈានមុខគេក្នុងប្រទេសកម្ពុជា។ ពួកគាត់ទាំងពីររូបបានប្រកបអាជីវកម្មនៅក្នុងប្រទេសកម្ពុជាអស់រយៈពេលជាង ២០ ឆ្នាំមកហើយ។ ដោយសារតែភាពរីកចម្រើននៃអាជីវកម្មនៅកម្ពុជា និងការរួមចំណែកដ៏ធំរបស់ពួកគាត់ក្នុងការអភិវឌ្ឍន៍សេដ្ឋកិច្ច និងសង្គមនៃប្រទេសកម្ពុជា ពួកគាត់ទទួលបានសញ្ជាតិកម្ពុជា និងបានចាប់ផ្តើមគ្រឹះស្ថានមីក្រូហិរញ្ញវត្ថុ ហ្វាមីលី។

គ្រឹះស្ថានមីក្រូហិរញ្ញវត្ថុ ហ្វាមីលី ផ្តល់នូវសេវាកម្មល្អបំផុតជូនអតិថិជនដូចជា ការការពារអតិថិជន និង ផ្តល់នូវការប្រកួតប្រជែង និងការច្នៃប្រឌិតផលិតផលកម្ចីដល់ពាណិជ្ជករ សហគ្រិន អាជីវករ កសិករ និងអាជីវកម្មគ្រួសារផ្ទាល់ខ្លួន។ គ្រឹះស្ថានមីក្រូហិរញ្ញវត្ថុ ហ្វាមីលី ត្រូវបានបង្កើតឡើងជាមួយនឹងតម្លៃស្នូលរបស់យើង ដើម្បីជួយប្រជាជនក្រីក្រដែលមានការលំបាកក្នុងការស្នើសុំសេវាហិរញ្ញវត្ថុពីធនាគារពាណិជ្ជ ដើម្បីជាទុនបន្ថែមសម្រាប់ដំណើរការ និងពង្រីកអាជីវកម្មរបស់ពួកគាត់។ គ្រឹះស្ថានមីក្រូហិរញ្ញវត្ថុ ហ្វាមីលី មានបុគ្គលិកដែលមានជំនាញវិជ្ជាជីវៈ និងបទពិសោធន៍ ដែលអាចជួយឱ្យអតិថិជន និងដៃគូរបស់យើងសម្រេចបាននូវអាជីវកម្មរបស់ពួកគាត់។